نسيتي المزح بالقبه

[الدبلوماسي]

بسم الله الرحمن الرحيم

نسيتي المزح بالقبه



نسيتي المزح بالقبه ** ونسيتي لعبنا الطبه

نسيتي كشختي دايم ** بثوب دوبلين خبخبه

نسيتي غترة الملل ** تغطيني تقل جبـه

نسيتي الركض بالطايه ** لا صار بدارنا شبه

لاجابو فضلة القرصان ** نتسابق ودنا نلبه

نسيتي ازعاجنا لمك ** وهي بالحوش منكبه

نسيتي معلف ام العوف ** تظـفّـينـه وانا اكبه

نسيتي ثوبك التنتر ** وغيضك لانقطع حبه

لاجابت امك الوازلين ** نهج للحوش ما نحبه

تبي تدهن قوايمنا ** وحنا نهوش ونسبه

نسيتي بسطة عزيز ** الي جا العصر بالقبه

نسيتي خرطه الماصل ** يجيب الحكي من عبه

نسيتي القربه الشنه ** وماها البارد نتفه

نسيتي قولك معصقل ** وانا اعيّـرك يالدبه

نسيتي نعالنا التليك ** هي الموتر ونلعب به

نسيتي من كثر ركضك ** انا مسميك يالذبه

نسيتي موعد الحنا ** الى جا صابكم خبه

نسيتي طيحتك بالليل ** وهي ظلما وانا السبه

نسيتي اكلنا الهبود ** نتناقر والسبب حبه

وامك لاتهاوشنا ** تحط بعيوننا شبه

نسيتي ثوبك الكرته ** ننكت فيه ونشبه

نسيتي كحة المذن ** قبل ما يذن ينبه

نسيتي تريكنا المصنق ** ننفخه قبل ما نشبه

وندعي الله يا كود العنز** تجيب وليد نلعبه


واذا اردت القصيده بصوت ادخل علي الرابط هذا المرفق :


http://www.4shared.com/audio/91W9j4p9/___online.htm

[محمد ابراهيم صالح]

ك ككككككككككككككككككككك ك
نسيتي من كثر ركضك ** انا مسميك يالذبه
ابوي عبدالله زوجني بنيه
بنيه على قدي
تفرش فراشي
تسوي غدايه
يليحي يليحي

[الدبلوماسي]

هههههههههههههههههههه
تبين ادورك وحده
يسلمو علي الرد يابو ابراهيم